हनुमान चालीसा

 

हनुमान चालीसा

 

 

 

॥ श्री गुरु चरण सरोज रज, निज मन मुकुरु सुधारि ॥

बरनऊं रघुबर बिमल जसु, जो दायकु फल चारि ॥ 1 ॥

बुद्धिहीन तनु जानिके, सुमिरौं पवनकुमार ॥

बल बुद्धि विद्या देहु मोहिं, हरहु कलेस विकार ॥ 2 ॥

जय हनुमान ज्ञान गुण सागर ॥

जय कपीस तिहुँ लोक उजागर ॥ 3 ॥

राम दूत अतुलित बल धामा ॥

अंजनि-पुत्र पवनसुत नामा ॥ 4 ॥

महाबीर बिक्रम बजरंगी ॥

कुमति निवार सुमति के संगी ॥ 5 ॥

कंचन बरन बिराज सुबेसा ॥

कानन कुण्डल कुण्चित केसा ॥ 6 ॥

हाथ बज्र औ ध्वजा बिराजै ॥

काँधे मूँज जनेऊ साजै ॥ 7 ॥

शंकर सुवन केसरी नंदन ॥

तेज प्रताप महा जग बंदन ॥ 8 ॥

विद्यावान गुनी अति चातुर ॥

राम काज करिबे को आतुर ॥ 9 ॥

प्रभु चरित्र सुनिबे को रसिया ॥

राम लखन सीता मन बसिया।।10 ॥

हनुमान चालीसा

 

सूक्ष्म रूप धरि सियहिं दिखावा।
बिकट रूप धरि लंक जरावा।। 11||

भीम रूप धरि असुर संहारे।
रामचंद्र के काज संवारे।।12||

लाय सजीवन लखन जियाये।
श्रीरघुबीर हरषि उर लाये।।13||

रघुपति कीन्ही बहुत बड़ाई।
तुम मम प्रिय भरतहि सम भाई।।14||

सहस बदन तुम्हरो जस गावैं।
अस कहि श्रीपति कंठ लगावैं।।15||

सनकादिक ब्रह्मादि मुनीसा।
नारद सारद सहित अहीसा।।16||

जम कुबेर दिगपाल जहां ते।
कबि कोबिद कहि सके कहां ते।।17||

तुम उपकार सुग्रीवहिं कीन्हा।

राम मिलाय राज पद दीन्हा।।18||

तुम्हरो मंत्र बिभीषन माना।
लंकेस्वर भए सब जग जाना।।19||

जुग सहस्र जोजन पर भानू।
लील्यो ताहि मधुर फल जानू।।20||

प्रभु मुद्रिका मेलि मुख माहीं।
जलधि लांघि गये अचरज नाहीं।।21||

दुर्गम काज जगत के जेते।
सुगम अनुग्रह तुम्हरे तेते।।22||

सीता राम

 

राम दुआरे तुम रखवारे।
होत न आज्ञा बिनु पैसारे।।23||

सब सुख लहै तुम्हारी सरना।
तुम रक्षक काहू को डर ना।।24||

आपन तेज सम्हारो आपै।
तीनों लोक हांक तें कांपै।।25||

भूत पिसाच निकट नहिं आवै।
महाबीर जब नाम सुनावै।।26||

नासै रोग हरै सब पीरा।
जपत निरंतर हनुमत बीरा।।27||

संकट तें हनुमान छुड़ावै।
मन क्रम बचन ध्यान जो लावै।।28||

सब पर राम तपस्वी राजा।
तिन के काज सकल तुम साजा।29||

और मनोरथ जो कोई लावै।
सोइ अमित जीवन फल पावै।।30||

चारों जुग परताप तुम्हारा।
है परसिद्ध जगत उजियारा।।31||

साधु-संत के तुम रखवारे।

असुर निकंदन राम दुलारे।।32||

जय बालाजी महाराज

 

अष्ट सिद्धि नौ निधि के दाता।
अस बर दीन जानकी माता।।33||

राम रसायन तुम्हरे पासा।
सदा रहो रघुपति के दासा।।34||

तुम्हरे भजन राम को पावै।
जनम-जनम के दुख बिसरावै।।35||

अन्तकाल रघुबर पुर जाई।
जहां जन्म हरि-भक्त कहाई।।36||

और देवता चित्त न धरई।
हनुमत सेइ सर्ब सुख करई।।37||

संकट कटै मिटै सब पीरा।
जो सुमिरै हनुमत बलबीरा।।38||

जै जै जै हनुमान गोसाईं।
कृपा करहु गुरुदेव की नाईं।।39||

जो सत बार पाठ कर कोई।
छूटहि बंदि महा सुख होई।।40||

जो यह पढ़ै हनुमान चालीसा।
होय सिद्धि साखी गौरीसा।।41||

तुलसीदास सदा हरि चेरा।
कीजै नाथ हृदय मंह डेरा।।42||

पवन तयन संकट हरण, मंगल मूर्ति रूप ।
राम लखन सीता सहित, हृदय बसहु सुर भूप ॥